Ma’muriy huquqda ma’muriy aktlarni tushunish O‘zbekiston va Germaniya qonunchiligi misolida

Ma’muriy huquq sohasida ma’muriy aktlar, ularning boshqa akt va hujjatlar, jumladan, ichki idoraviy, normativ va protsessual hujjatlardan farqli jihatlari, huquqiy maqomi, ma’muriy aktni o‘zgartirish, bekor qilish va haqiqiy emas deb topishda ma’muriy aktning belgilari ularning o‘ziga xos xususiyatlarini aniqlash va tushunishda dolzarb masalalardan biri hisoblanadi. Bu borada 2018-yil 8-yanvarda qabul qilingan O‘zbekiston Respublikasining “Ma’muriy tartib-taomillar to‘g‘risida”gi qonuni hamda Ma’muriy sud ishlarini yuritish to‘g‘risidagi kodeksi qonun ustuvorligi, jismoniy shaxslarning huquq va qonuniy manfaatlari hamda yuridik shaxslarning ma’muriy organlar bilan munosabatlarini rivojlangan xorijiy davlatlar standartlari darajasida va milliy qonunchiligimizning xususiyatlarini hisobga olgan holda mamlakatimizda zamonaviy standartlarni joriy etishga xizmat qilmoqda. Ushbu maqolada ma’muriy hujjatlarning mazmun-mohiyatini bir xil tushunish, ularni qo‘llash, qonun hujjatlarida ma’muriy hujjat tushunchasini eng to‘liq va to‘g‘ri belgilash, alohida ma’muriy hujjatlarning o‘ziga xos xususiyatlarini aks ettiruvchi va farqlash bilan bog‘liq masalalar ko‘rib chiqildi. Shuningdek, O‘zbekiston Respublikasi qonunchiligi va Germaniya Respublikasi ma’muriy tartib-taomillar to‘g‘risidagi qonunchiligiga oid masalalar ham muhokama qilindi. O‘zbekiston Respublikasi qonunchiligi va xorijiy tajribani uyg‘unlashtirish bilan bog‘liq muammolardan kelib chiqib, taklif va tavsiyalar ishlab chiqildi.