Ijtimoiy tarmoqlarda mualliflik huquqini himoya qilishning o‘ziga xos jihatlari

лв0

Format: Elektron nusxa, Ilmiy maqola Tur: “Yuridik fanlar axborotnomasi - Вестник юридических наук - Review of Law Sciences” ilmiy-amaliy huquqiy jurnali, 2023-yil 2-son Muallif: Xo‘jayev Shohjahon Akmaljon o‘g‘li Soha: 12.00.03 - Fuqarolik huquqi. Tadbirkorlik huquqi. Oila huquqi. Xalqaro xususiy huquq Ta'lim bosqichi: Oliy ta'limdan keyingi ta'lim Nashriyot: Toshkent davlat yuridik universiteti Chop etilgan sana: 26.06.2023 Davlat: O'zbekiston Tillar: O'zbek Kalit soʻzlar: asar | barchaning e’tiboriga yetkazish | Internet | mualliflik prezumpsiyasi | texnik choralar | Download

Tasnif:

Bugungi kunda ijtimoiy tarmoqlar aholi keng foydalanib kelayotgan asosiy platformalardan biriga aylandi. Ma’lumotlar almashinuvi tezligi oqibatida ijtimoiy tarmoqlarda mualliflik huquqining buzilishi holatlari ham uchramoqda. O‘zbekistonda amalga oshirilgan konstitutsiyaviy islohotlar, intellektual mulk sohasini rivojlantirishga qaratilgan strategik hujjatlar qabul qilinishi mualliflik huquqini himoya qilish dolzarbligini ko‘rsatmoqda. Tadqiqot natijasida O‘zbekiston Respublikasi qonunchiligiga muvofiq, ijtimoiy tarmoqlarda joylashtirilgan kontentni mualliflik huquqi obyekti sifatida tan olishning shartlari alohida belgilanmaganligi; ijtimoiy tarmoqlar orqali mualliflik huquqining buzilishi ham shaxsiy nomulkiy huquqlar, ham mulkiy huquqlarning buzilishi sifatida namoyon bo‘lishi mumkinligi; mualliflik huquqini ijtimoiy tarmoqlarda himoya qilishda axborotlashtirish sohasidagi qonunchilikni takomillashtirish lozimligi; ijtimoiy tarmoqlarda mualliflik huquqini himoya qilishda tashkiliy-huquqiy jihatlarga e’tibor berish, jumladan, ijtimoiy tarmoq egasi (administratori) va foydalanuvchi o‘rtasidagi munosabatlarni tartibga solish muhim ahamiyat kasb etishi haqidagi xulosalar olindi. Mazkur tadqiqot natijalari asosida kontentni mualliflik huquqi obyekti sifatida baholash mezonlari ishlab chiqilib, ijtimoiy tarmoqlarda himoya qilishni so‘rab murojaat qilish huquqiga ega subyektlar doirasi aniqlandi. Bundan tashqari, ijtimoiy tarmoqlarda foydalanuvchi kelishuvini tartibga soluvchi umumiy qoidalar ishlab chiqish hamda unda mualliflik huquqiga rioya etilishi masalasini aniq belgilash lozimligi asoslab berildi.