Mas’uliyati cheklangan jamiyat ishtirokchisining axborot olish huquqini amalga oshirish masalalari

Ishtirokchining jamiyatdan axborot olish huquqi uning huquqiy maqomi bilan uzviy bog‘liq. Ishtirokchi moliyaviy sarmoyasi evaziga jamiyat faoliyatining barcha yo‘nalishlari, jumladan, iqtisodiy-huquqiy holati to‘g‘risida maʼlumot olishga haqli. Bunday huquq, bir tarafdan, ishtirokchining jamiyatni boshqarish vakolatlarini taʼminlab bersa, ikkinchi tarafdan, huquqlarini suiisteʼmol qilgan holda axborotdan jamiyatga zarar yetkazish maqsadida foydalanishga yo‘l ochib beradi. Mazkur maqolada ishtirokchining jamiyatdan axborot olish va uning hujjatlari bilan tanishish borasidagi huquqlarining mazmun-mohiyati, uni amalga oshirish tartibi, axborotning taqdim etilishi jarayonlari, ushbu huquqning fundamental nomulkiy huquq sifatidagi ahamiyati, huquqni amalga oshirish shartlari, huquqni himoya qilish usullari va himoya usullarining samaradorligi atroflicha muhokama qilingan. Shuningdek, ishtirokchining axborotga bo‘lgan huquqi va uni amalga oshirish imkoniyatlari, ushbu huquqning chegaralari turli davlatlar qonun hujjatlarini qiyoslash yo‘li bilan o‘rganib chiqilib, milliy qonunchiligimizdagi normalarni takomillashtirish orqali ishtirokchining axborotni olishga bo‘lgan huquqini yanada kengaytirish yuzasidan takliflar berilgan. Ishtirokchining axborotga bo‘lgan huquqini samarali amalga oshirish mexanizmini taʼminlash maqsadida zamonaviy axborot texnologiyalaridan foydalanish taklif qilingan. Bundan tashqari, ishtirokchining axborotga bo‘lgan huquqini sud orqali himoya qilishda mavjud muammolar tahlil qilinib, bu boradagi sud amaliyotini unifikatsiya qilish yuzasidan fikr-mulohazalar bildirilgan.