Markaziy osiyo davlatlarida kodekslashtirish jarayoni: ayrim nazariy-huquqiy masalalar

лв0

Format: Ilmiy maqola Tur: “Yurisprudensiya” huquqiy ilmiy-amaliy jurnali, 2024-yil 4-son Muallif: Axmedshayeva Mavlyuda Axatovna Soha: 12.00.01 - Davlat va huquq nazariyasi va tarixi. Huquqiy ta’limotlar tarixi Ta'lim bosqichi: Oliy ta'limdan keyingi ta'lim Nashriyot: Toshkent davlat yuridik universiteti Chop etilgan sana: 23.08.2024 Davlat: O'zbekiston Tillar: O'zbek Kalit soʻzlar: anglo-sakson huquq oilasi | huquq | huquqiy tizim | huquqiy tizimlar taʼsiri | inkorporatsiya | kodeks | kodekslashtirish | konsolidatsiya | normativ-huquqiy hujjat | qonunchilik | qonunchilikni tizimlashtirish | romano-german huquq oilasi | Download

Tasnif:

Bugungi davrda shiddat bilan rivojlanayotgan ijtimoiy munosabatlarni tartibga soladigan koʻplab normativ-huquqiy hujjatlarning qabul qilinishi kuzatilmoqda, natijada huquqni qoʻllash jarayonida muayyan qiyinchiliklar yuzaga keladi. Bu esa, oʻz navbatida, qonunchilikni tizimlashtirishga boʻlgan ehtiyojning kuchayishiga olib keladi. Qonunchilikni tizimlashtirish maʼlum darajada obyektiv jarayon hisoblanadi. Uning inkorporatsiya, konsolidatsiya va kodifikatsiya kabi turlari mavjud boʻlib, ularning ichida kodekslashtirish alohida oʻrin tutadi. Maqolada bir qator olimlarning qonunchilikni tizimlashtirish masalasiga oid fikrlari keltirilgan va tahlil etilgan. Ayni paytda, muallifning fikricha, bugungi kunda milliy yuridik adabiyotlarda qonunchilikni tizimlashtirish va uning turlari, jumladan, kodekslashtirish hamda uning muhim shakli boʻlgan kodekslar haqidagi nazariy ishlanmalar kam realizatsiya qilinmoqda. Muallif maqolada Markaziy Osiyo mamlakatlari huquq tizimlaridagi kodekslashtirish jarayonini hamda uning umumiy va oʻziga xos jihatlarini aniq misollar yordamida tahlil etgan. Ushbu mamlakatlar huquq tizimi romano-german huquq oilasiga mansub boʻlib, mazkur jarayonda koʻplab umumiy jihatlar namoyon boʻladi. Bu umumiylik ijtimoiy munosabatlarni tartibga solish jarayonida, jumladan, sohalardagi huquqiy munosabatlarni tartibga solishga qaratilgan kodekslar tizimining oʻxshashligi va yaqinligi kabilarda koʻrinadi. Maqola yakunida tahlil etilgan mavzu yuzasidan tegishli xulosalar shakllantirilgan.