Ma’muriy sud ish yurituvining о‘ziga xos xususiyatlari va uning tashkiliy-huquqiy asoslari

Ushbu maqolada Ma’muriy sud ishlarini yuritish tо‘g‘risidagi kodeks normalari tahlili asosida ma’muriy sud ish yurituvi tushunchasiga mualliflik ta’rifi berilgan. Shuningdek, bu borada amalga oshirilgan islohotlar, huquqshunos olimlar qarashlari hamda ma’muriy sud ish yurituvi mazmunidan kelib chiqib, mazkur huquqiy institutning о‘ziga xos xususiyatlari va tashkiliy-huquqiy asoslari sanab о‘tilgan. Jumladan, ma’muriy sud ish yurituvining asosiy maqsadi va vazifasi bо‘lib ommaviy hokimiyat organlari va tashkilotlarining noqonuniy qarorlari, mansabdor shaxslarning harakatlari (harakatsizligi) ustidan xususiy shaxslarning huquqlari, erkinliklari va qonuniy manfaatlarini himoya qilish hisoblanishi kо‘rsatilgan. Bundan tashqari, ma’muriy sud ish yurituvida alohida subyektlar tarkibi – xususiy shaxslar va ommaviy huquqdagi shaxslar bо‘lishi qayd etilgan. Shuningdek, ma’muriy sud ish yurituvida ma’muriy ishlar odil sudlovni amalga oshirishning asosiy qoidalari va prinsiplariga rioya qilgan holda alohida protsessual tartibda kо‘rib chiqilishi bayon etilgan. Ma’muriy sud ish yurituvining tashkiliy-huquqiy asoslari sifatida esa ushbu faoliyatni amalga oshirishga vakolatli bо‘lgan ma’muriy sudlarni hamda ularning tashkil etilishini, vakolatlari va faoliyatini protsessual jihatdan tartibga soluvchi huquqiy hujjatlar va boshqa kompleks chora-tabdirlarni tushunish lozimligi kо‘rsatilgan.