Miting, yig‘ilish vа nаmoyishlаr o‘tkаzishni tаrtibgа soluvchi normаtiv-huquqiy hujjаtlаrning qiyosiy tаhlili

лв0

Format: Elektron nusxa, Ilmiy maqola Tur: “Yuridik fanlar axborotnomasi - Вестник юридических наук - Review of Law Sciences” ilmiy-amaliy huquqiy jurnali, 2022-yil 2-son Muallif: Narzullayev Otabek Saydulla o‘g‘li Soha: 12.00.02 - Konstitutsiyaviy huquq. Ma’muriy huquq. Moliya va bojxona huquqi Nashriyot: Toshkent davlat yuridik universiteti Chop etilgan sana: 19.07.2022 Davlat: O'zbekiston Tillar: O'zbek Ta'lim bosqichi: Oliy ta'limdan keyingi ta'lim Kalit soʻzlar: Jinoyat kodeksi | konstitutsiya | Maʼmuriy javobgarlik to‘g‘risidagi kodeks | xalqaro normativ-huquqiy hujjatlar | xorijiy davlatlar qonunchiligi | yig‘ilish o‘tkazish erkinligi | More Details Download

Tasnif:

Demokratik jamiyatda yig‘inlar tashkil etish huquqi fuqarolarning asosiy siyosiy huquqlaridan biri bo‘lib, fuqarolarning demokratik boshqaruvda ishtirok etishining muhim kafolati hisoblanadi. Yig‘inlarning miting, yig‘ilish, namoyish, ko‘cha yurishi, piket, fleshmob va boshqa turlari bo‘lib, fuqarolar ularni tashkil etish orqali o‘z fikrlarini erkin namoyon etadilar. Bundan tashqari, fuqarolar ushbu tadbirlar orqali mamlakat siyosiy, iqtisodiy, ijtimoiy va madaniy hayotining turli masalalari bo‘yicha talab va takliflarni ilgari surishlari ham mumkin. Bugungi kunda O‘zbekiston Respublikasi Konstitutsiyasi bilan kafolatlangan mitinglar, yig‘ilishlar va namoyishlarni amalga oshirish huquqini samarali ro‘yobga chiqarish tartibini belgilovchi normativ-huquqiy hujjatning mavjud emasligi, shu o‘rinda miting, yig‘ilish va namoyishlarni o‘tkazish tartibi qonunchilikda belgilanmaganiga qaramasdan, mazkur tadbirlarni o‘tkazganligi uchun O‘zbekiston Respublikasi Jinoyat kodeksining 217-moddasi, Maʼmuriy javobgarlik to‘g‘risidagi kodeksning 201-202-moddalariga asosan, javobgarlik belgilanganligi holatlari qonunchilikda bo‘shliq mavjudligini ko‘rsatmoqda. Mazkur ishda miting, yig‘ilish va namoyishlar o‘tkazishni tartibga soluvchi xalqaro va milliy normativ-huquqiy hujjatlar atroflicha o‘rganilgan. Bugungi kundagi milliy qonunchilik tomonidan miting, yig‘ilish va namoyishlar o‘tkazish huquqining qamrovi va kafolati, javobgarlik masalasining ahvoli tadqiq qilingan. Mamlakatimizda miting, yig‘ilish va namoyishlarni tartibga soluvchi qonunchilik yuzasidan olimlar va ekspertlar fikrlari, shuningdek, xorijiy davlatlar qonunchiligi qiyosiy tahlil qilinib, xulosalar berilgan hamda mamlakatimizda miting, yig‘ilish va namoyishlar o‘tkazishni tartibga soluvchi normativ-huquqiy hujjatning qabul qilinishi bugungi kunning dolzarb muammosi ekanligi yoritib berilgan.