Mehnat munosabatlarida kamsitishning oldini olish boʻyicha rivojlangan davlatlar tajribasi (AQSh va Yaponiya misolida)

Ushbu ilmiy maqolada rivojlangan mamlakatlarning mehnat munosabatlarida kamsitishning oldini olish boʻyicha tajribasi oʻrganildi. Ushbu mamlakatlar tomonidan qabul qilingan strategiyalar va amaliyotlarni tahlil qilib global ishchi kuchida teng imkoniyatlar va adolatli munosabatni yaratish masalasi haqida maʼlumot berildi. Maqolada kamsitishlarga qarshi kurashishda samarali yondashuvlar, qonunchilik asoslari, ijro mexanizmlari va ish beruvchilar amaliyoti koʻrib chiqiladi. Turli rivojlangan davlatlar kamsitishlarga qarshi kurashish va ish joyida teng munosabatni targʻib qilish boʻyicha muhim chora-tadbirlarni amalga oshirmoqda. Har bir davlatning yondashuvi ularning huquqiy mexanizmi va qonun manbalariga qarab farq qilishi mumkin. Mehnat munosabatlarida kamsitishning oldini olishning asosiy jihatlaridan biri keng qamrovli qonunchilik mavjudligidir. Rivojlangan mamlakatlarda irqi, etnik kelib chiqishi, jinsi, yoshi, nogironligi va boshqalar kabi turli himoyalangan xususiyatlar asosida shaxslarni kamsitishdan himoya qilish uchun mustahkam huquqiy asos yaratilgan. Bu qonunlar ishga qabul qilish, ishga olish, lavozimga koʻtarilish, ishdan boʻshatish va mehnatga oid boshqa qarorlar qabul qilishda kamsituvchi holatlarning oldini olishga yordam beradi.