Markaziy osiyoda tiklanuvchi enеrgiya mаnbаlаridan foydalanishning huquqiy masalalari

Maqolada qayta tiklanuvchi energiya manbalaridan foydalanishning huquqiy bazasi Tojikiston, Qirgʻiziston va Turkmaniston misolida tahlil etildi. Shuningdek, qoʻshni mamlakatlarda ham olib borilayotgan islohotlar natijasida mintaqada ekologik xavfsiz, yashil iqtisodiyotga bosqichma-bosqich oʻtish jarayonida qabul qilingan qonun hujjatlari tavsiflandi va ularni amaliyotga tatbiq etishning hozirgi kundagi natijalari bayon etildi. Mamlakatlarning ijtimoiy-iqtisodiy rivojlanishida energiya samaradorligi va mustaqilligiga erishish beqiyos oʻrin tutishi taʼkidlanib, soha rivoji uchun qabul qilingan qonun va qonunosti hujjatlari, qayta tiklanuvchi energiya manbalarini yaratish, saqlash hamda isteʼmolchilarga etkazib berish borasidagi istiqbolli rejalar tahliliga ahamiyat qaratildi. Har bir hududning tabiiy resurslar imkoniyati turlicha ekanini inobatga olgan holda ushbu davlatlarning geografik joylashuvi, tabiiy boyliklar zaxiralari, asosan muqobil energiya manbalarini yaratish imkoniyatlari yoritib berildi. Muallif xalqaro tashkilotlar tomonidan eʼlon qilingan hisobotlardan foydalangan holda mintaqamizning ichki va tashqi imkoniyatlariga taʼrif berarkan, har bir davlatning sohaga oid normativ hujjatlar bazasini oʻrgandi. Mamlakatlarning milliy va xalqaro hamkorlik borasida qabul qilingan qonun hujjatlari, yoʻl xaritalarini empirik, nazariy va qiyoslash metodlarini qoʻllagan holda taqqoslab, tahlil etib, tegishli fikr va mulohazalari, takliflarini bayon etdi.