Korporatsiyani boshqarishda fidusiar majburiyatlar va ularni O‘zbekistonda qо‘llash imkoniyatlari

лв0

Format: Elektron nusxa, Ilmiy maqola Tur: “Yuridik fanlar axborotnomasi - Вестник юридических наук - Review of Law Sciences” ilmiy-amaliy huquqiy jurnali, 2021-yil 4-son Muallif: Ibrohimov Azimjon Abdumо‘min о‘g‘li Soha: 12.00.03 - Fuqarolik huquqi. Tadbirkorlik huquqi. Oila huquqi. Xalqaro xususiy huquq Nashriyot: Toshkent davlat yuridik universiteti Chop etilgan sana: 24.11.2021 Davlat: O'zbekiston Tillar: O'zbek Ta'lim bosqichi: Oliy ta'limdan keyingi ta'lim Kalit soʻzlar: fidusiar majburiyatlar | halollik majburiyati | halollik va oqilonalik | lozim darajada g‘amxо‘rlik majburiyati | sodiqlik majburiyati | yuridik shaxs manfaatlari | More Details Download

Tasnif:

Hozirda mamlakatimiz fuqarolik huquqini takomillashtirishga oid keng qamrovli islohotlar amalga oshirilmoqda. Buni korporativ huquqiy munosabatlarga oid qoidalarda ham kо‘rish mumkin. Jumladan, yuridik shaxs faoliyatiga daxldor о‘zgarishlardan biri yuridik shaxs boshqaruvchilarining fidusiar majburiyatlariga oid. Korporativ huquqda yuridik shaxsning boshqaruv organlarining fidusiar majburiyatlari markaziy masalalardan hisoblanadi. Yuridik shaxsni tо‘g‘ri va samarali boshqarish kо‘p jihatdan boshqaruv organlarining fidusiar majburiyatlari qay darajada tartibga solingani va ularga rioya etilishi bilan belgilanadi. Shuningdek, fidusiar majburiyatlarga rioya etmaslik boshqaruv organlari uchun yuridik shaxs oldida yuzaga keladigan javobgarlik asosi sanaladi. Inglizamerika korporativ huquqida korporatsiya direktorining fidusiar majburiyatlari umumiy tarzda: lozim darajadagi g‘amxo‘rlik (duty of due care), sodiqlik (duty of loyalty) hamda halollik (duty of good faith) majburiyatlaridan iborat ekanligi kо‘rsatiladi. Rossiya Federatsiyasi korporativ huquqida esa yuridik shaxs boshqaruv organlarining yuridik shaxs manfaatlarini kо‘zlab, halol va oqilona ish yuritishi lozimligi belgilangan hamda ushbu fidusiar majburiyatlar buzilishi ularning yuridik shaxs oldidagi javobgarligi asosi sifatida mustahkamlangan va sud amaliyoti hujjatlarida ularning mazmuni aniqlashtirilgan. Mazkur ishda AQSH, Rossiya Federatsiyasi qonunchiligi hamda sud amaliyoti asosida yuridik shaxs boshqaruv organlarining fidusiar majburiyatlari tahlil etiladi hamda ularni О‘zbekiston Respublikasi korporativ huquqida qо‘llash va ushbu institutni takomillashtirish istiqbollari muhokama qilinadi.