Davlatlar o’rtasida giyohvandlik vositalarining noqonuniy aylanishiga qarshi kurashishda hamkorlik to’g’risidagi bitimlarga rioya etilishi ustidan nazoratning xalqaro huquqiy mexanizmi

Muallif mazkur maqolada giyohvandlik vositalari va psixotrop moddalarning noqonuniy muomalasi sohasida davlatlar о‘rtasidagi xalqaro hamkorlik muammosini о‘rgangan. Ushbu muammo bilan bog‘liq turli yillarda imzolangan asosiy konvensiyalarga havolalar berilgan. Birlashgan Millatlar Tashkiloti tomonidan ishlab chiqilgan jinoyatchilikka qarshi kurashishning umumiy tamoyillari kо‘rib chiqilgan. Jinoyatchilikka qarshi kurashishning tarixiy tajribasi tahlil qilingan. Transmilliy uyushgan jinoyatchilikning oldini olish va unga qarshi kurashishda BMTning jinoyatchilikning oldini olish va huquqbuzarlarga qarshi kurashish bо‘yicha kongresslari о‘rganilgan. Bu boradagi asosiy xalqaro normativ-huquqiy hujjatlar tahlil qilingan. Mazkur konvensiyalarni qabul qilish mexanizmlari va amaliy qо‘llash shakllari ochib berilgan. Shuningdek, giyohvandlik vositalarining noqonuniy aylanishi bilan bog‘liq dunyodagi vaziyat tahlili, giyohvandlik vositalarining noqonuniy aylanishini nazorat qilishning xalqaro tizimini kuchaytirish orqali muammoni hal qilish variantlari taklif etilgan. Giyohvandlik vositalari va psixotrop moddalarning noqonuniy aylanishiga qarshi kurashish bо‘yicha davlatlar о‘rtasidagi xalqaro-huquqiy hamkorlikning bugungi holatiga alohida e’tibor qaratilgan. Giyohvandlik vositalarini iste’mol qilish sohasidagi mavjud vaziyatni bartaraf etishga yondashuvning xarakterli xususiyatlari, noqonuniy xatti-harakatlarga barham berish jarayonida ushbu salbiy hodisaga qarshi kurashishning turli usullaridan foydalanish tahlil qilingan. Butun insoniyatning global muammosiga qarshi kurashish usullaridan birgalikda foydalanish zarurati aniqlangan va asoslangan.