Axborot-kommunikatsiya va intellektual mulk sohasidagi qonun hujjatlarida mualliflik huquqiga doir mavjud normalarni takomillashtirish masalalari

лв0

Format: Elektron nusxa, Ilmiy maqola Tur: “Yuridik fanlar axborotnomasi - Вестник юридических наук - Review of Law Sciences” ilmiy-amaliy huquqiy jurnali, 2022-yil 4-son Muallif: Yuldashov Abdumumin Abdugopirovich Soha: 12.00.03 - Fuqarolik huquqi. Tadbirkorlik huquqi. Oila huquqi. Xalqaro xususiy huquq Nashriyot: Toshkent davlat yuridik universiteti Chop etilgan sana: 30.12.2022 Davlat: O'zbekiston Tillar: O'zbek Ta'lim bosqichi: Oliy ta'limdan keyingi ta'lim Kalit soʻzlar: aloqa tarmog‘i | axborot tizimi | intellektual mulk | kontrafakt mahsulot | mualliflik huquqi | mualliflik shartnomasi | telekommunikatsiya tarmog‘i | More Details Download

Tasnif:

Ushbu maqolada axborot kommunikatsiyalari, aloqa hamda intellektual mulk sohasidagi qonun hujjatlarida mualliflik huquqining muhofazasi va himoyasi bilan bog‘liq normalar hamda ularning mazmun-mohiyati yuzasidan qiyosiy-huquqiy tahlil amalga oshirilgan. Ma’lumki, bugungi kunda mualliflik huquqi bilan bog‘liq jarayonlar Internet va telekommunikatsiya tarmoqlari yordamida amaliyotga kirib kelmoqda. Bu borada aynan mualliflik huquqi obyektlari himoyasining texnik vositalari alohida o‘rin tutadi. Texnik choralarning maqomi va harakati esa o‘z navbatida mualliflik huquqiga doir qonun normalarida aks etadi. Xususan, O‘zbekiston Respublikasining “Mualliflik huquqi va turdosh huquqlar to‘g‘risida”gi qonunida asarlardan yoki turdosh huquqlar obyektlaridan foydalanishni nazorat qiluvchi, muallif, turdosh huquqlar egasi yoxud asarlarga yoki turdosh huquqlar obyektlariga nisbatan mutlaq huquqlarning boshqa egasi tomonidan ruxsat etilmagan harakatlar amalga oshirilishining oldini oluvchi yoki ularni cheklovchi har qanday texnik qurilmalar yoxud ularning tarkibiy qismlari mualliflik huquqi va turdosh huquqlarni himoya qiluvchi texnika vositalar deb e’tirof etilishi belgilangan. Maqolada muallif telekommunikatsiya tarmoqlaridagi qonunosti hujjatlarida asarlar va turdosh huquqlar obyektlaridan foydalanish bilan bog‘liq jarayonlarda mualliflik huquqi normalarini to‘laqonli ravishda qo‘llash bilan bog‘liq masalalarni tanqidiy tahlil qilgan hamda tegishli qonunchilikni takomillashtirish bilan bog‘liq masalalar va kelgusidagi huquqiy oqibatlar bo‘yicha ilmiynazariy xulosalarga kelgan.