Raqamli moliyaviy xizmatlar tushunchasi, tarixiy rivojlanish va huquqiy asoslari

лв0

Format: Elektron nusxa, Ilmiy maqola Tur: “Yurisprudensiya” huquqiy ilmiy-amaliy jurnali, 2024-yil 1-son Muallif: Xazratqulov Odilbek Tursunovich Soha: 12.00.03 - Fuqarolik huquqi. Tadbirkorlik huquqi. Oila huquqi. Xalqaro xususiy huquq Nashriyot: Toshkent davlat yuridik universiteti Chop etilgan sana: 26.03.2024 Davlat: O'zbekiston Tillar: O'zbek Ta'lim bosqichi: Oliy ta'limdan keyingi ta'lim Kalit soʻzlar: alibaba | amazon | moliyaviy texnologiya | moliyaviy xizmat | raqamli xizmat | texnologik kompaniya | More Details Download

Tasnif:

Oʻtgan yillar davomida jahonda boʻlib oʻtgan moliyaviy inqiroz natijasida bank sohasi kam foizli stavkalar, kreditlar hajmini pasaytirish, tartibga solish hamda muvofiqlik talablarini oshirish bilan bogʻliq masalalarga duch keldi. Soʻnggi yillarda esa katta inqilobiy oʻzgarishlar yuz berib, ular qatorida raqamli bank xizmatlari va raqamli moliyalashtirish singari yoʻnalishlari paydo boʻldi. Bunday ijobiy natijaga erishishning asosiy sababini nafaqat jahonda roʻy bergan iqtisodiy inqiroz, balki Osiyoda faoliyat olib borayotgan moliyaviy kompaniyalarning innovatsion yuksalishi bilan bogʻlash mumkin. Аynan ushbu yuksalishlar zamirida mavjud banklar inqirozdan keyin yuzaga keladigan barcha tahdidlar, shuningdek, moliyaviy texnologiyalar (FinTech) va platformaga asoslangan raqobatchilardan chakana savdoda raqobatning kuchayishi natijasida kelib chiqadigan raqamli “inqilob” bilan kurashishga majbur boʻldi. Buning natijasida moliyaviy sektorning rentabelligi xavf ostida qolib, Yevropa va Yaponiya banklari kapital xarajatlarini qoplash imkoniyati cheklandi. Shu oʻrinda oʻn yil ichida eng yaxshi moliyaviy barqaror 10 ta kompaniya roʻyxatida “Amazon”, “Google” yoki “Alibaba Group” kabi yirik innovatsion texnologik kompaniyalarning kapitallashuvi “JP Morgan Chase” kompaniyasi mablagʻlaridan ikki baravar koʻpayib ketganligini kuzatish mumkin. Biz mazkur maqola orqali raqamli moliyaviy xizmat koʻrsatish sohasining moliyaviy bozorga kirib kelishi, uning rivojlanish tarixi va huquqiy asoslarini tashkil qiluvchi mezonlar haqida toʻxtalib oʻtamiz.