Xorijiy investitsiya tushunchasining nazariy-huquqiy jihatlari

лв0

Format: Elektron nusxa, Ilmiy maqola Tur: “Yuridik fanlar axborotnomasi - Вестник юридических наук - Review of Law Sciences” ilmiy-amaliy huquqiy jurnali, 2023-yil 2-son Muallif: Yuldoshbekov Avazbek Alisher o‘g‘li Soha: 12.00.02 - Konstitutsiyaviy huquq. Ma’muriy huquq. Moliya va bojxona huquqi Ta'lim bosqichi: Oliy ta'limdan keyingi ta'lim Nashriyot: Toshkent davlat yuridik universiteti Chop etilgan sana: 26.06.2023 Davlat: O'zbekiston Tillar: O'zbek Kalit soʻzlar: chet el investitsiyasi | investitsiya natijadorligi | mexanizm | ragʻbatlantirish | samaradorlik | soliq qonunchiligi | xorijiy investor | Download

Tasnif:

Bozor iqtisodiyoti bosqichida xorijiy investitsiya va investorlarning haq-huquqlarini himoya qilish, ularning faoliyatiga oid normativ hujjatlarni takomillashtirish va istiqbollarini belgilash ayni damdagi dolzarb vazifalardan biri hisoblanadi. Davlatimiz tomonidan yakdillik bilan ijtimoiyiqtisodiy yo‘nalishlarda olib borilayotgan islohotlar o‘zining ijobiy natijalarini bermoqda. Hozirda yurtimizda chet el korxonalari va xorijiy investitsiya ishtirokidagi qo‘shma korxonalar xo‘jalik faoliyatini olib borar ekan, birinchi o‘rinda ularning huquq va manfaatlarini himoya qiladigan qonunlarning qabul qilinishi hamda buning natijasida investitsion oshkoralik taʼminlanganligini ko‘rishimiz mumkin. Ushbu sohada olib borilayotgan islohotlarga qaramasdan, tahlillar shuni ko‘rsatmoqdaki, chet el investorlarining o‘z faoliyatini to‘laqonli amalga oshirishi uchun barcha huquqlarga ega emasligi, ularni amalga oshirish mexanizmining maksimal darajada ishlab chiqilmaganligi hamda muayyan to‘siqlarning, jumladan, qonunchilikda bo‘shliqlar mavjudligi ushbu sohani yanada rivojlantirish zarurligidan dalolat beradi. Mazkur maqolada aynan “xorijiy investitsiya” tushunchasining milliy qonunchiligimizda izohlanishi va ushbu tushunchaga nisbatan olimlarning munosabatlari tahlil qilingan.