Konstitutsionalizm va konstitutsiyaviy huquq fani: baʼzi vazifalari va rivojlanish istiqbollari

Maqolada konstitutsiyaviylik va konstitutsiyaviy huquq fanini rivojlantirishning vazifalari va istiqbollari konstitutsiyaviy tuzum va huquqiy ta’limotning hozirgi holati nuqtayi nazaridan tahlil qilindi. Konstitutsiyaviylik mohiyatini anglashda Konstitutsiyaviy huquq fanining alohida o‘rni, Konstitutsiyani modernizatsiya qilish va ularning yangi O‘zbekiston taraqqiyotiga ta’siri ta’kidlandi. Konstitutsiyaviy huquqning zamonaviy rivojlanish tendensiyalari, mamlakatimiz Asosiy qonunini yangilashning ahamiyati, shuningdek, davlatning izchil rivojlanishini ta’minlashda konstitutsiyaviy huquq fanining maqsad va vazifalarini tahlil qilindi. Zamonaviy konstitutsiyaviylik xususiyatlarining umumiy tavsifi, huquqiy ta’limotning konstitutsiyaviy amaliyotga ta’siri ham bayon etilgan. Konstitutsiyaviy huquq sohasidagi ilmiy tadqiqot ishlari sifati va samaradorligining ayrim jihatlari tahlil qilinib, amaliy ahamiyatini baholash mezonlarini qayta ko‘rib chiqish va ilmiy tavsiyalarni amaliyotga joriy etish, shuningdek, ilmiy mutaxassisliklar ro‘yxatini qayta formatlash bo‘yicha alohida takliflar asoslab berildi. Maqolada, shuningdek, ilmiy izlanishlarni ragʻbatlantirish, yangi ilmiy yoʻnalishlarni yaratish, nodavlat ilmiy muassasalar sonini koʻpaytirish zarurligi haqida dalillar keltirilgan.