Jinoyat ishini sudda koʻrish uchun tayyorlash bosqichida taraflar tortishuvini ta’minlash

лв0

Format: Elektron nusxa, Ilmiy maqola Tur: “Yuridik fanlar axborotnomasi - Вестник юридических наук - Review of Law Sciences” ilmiy-amaliy huquqiy jurnali, 2023-yil 4-son Muallif: Maxmadiyarova Xumora Oʻktamovna Soha: 12.00.09 - Jinoyat protsessi. Kriminalistika, tezkor-qidiruv huquq va sud ekspertizasi Ta'lim bosqichi: Oliy ta'limdan keyingi ta'lim Nashriyot: Toshkent davlat yuridik universiteti Chop etilgan sana: 21.12.2023 Davlat: O'zbekiston Tillar: O'zbek Kalit soʻzlar: ayblov taraf | haqiqatni aniqlash | himoya taraf | isbotlash | sud | tenglik | tortishuv | Download

Tasnif:

Mazkur maqolada jinoyat ishini sudda koʻrish uchun tayyorlash jarayonida taraflarning oʻzaro tortishuvini kuchaytirish, uning muhim tarkibiy qismi boʻlgan taraflar protsessual imkoniyatlaridagi tengligini taʼminlash, shuningdek, haqiqatni aniqlash jarayonida sudning oʻrnini aniqlash, uning dalillarni toʻplash, tekshirish va baholash davrida faollik darajasini belgilash masalalari ayrim rivojlangan xorijiy mamlakatlar tajribasi hamda aynan shu masalada ilmiy tadqiqot ishlarini olib borgan protsessualist olimlarning ilmiy qarashlari asosida tahlildan oʻtkazilgan. Shuningdek, dastlabki eshituv oʻtkazish asoslarini yanada takomillashtirish, bunda koʻproq himoya tarafning protsessual imkoniyatlarini kengaytirish, qonunda ayblov xulosasi yoki dalolatnomasini tasdiqlaydigan prokurorga ishdagi kamchiliklarni toʻgʻrilashga imkoniyat berilishini tanqid qilish orqali mazkur tartibni takomillashtirish masalalari muhokama qilingan. Ishni sudda koʻrish uchun tayyorlash, unda taraflar tengligi va tortishuvini kuchaytirish bilan bogʻliq ayrim muammoli masalalar atroflicha oʻrganilib, ularni yangi tahrirda qabul qilingan Oʻzbekiston Respublikasi Konstitutsiyasiga asosan bartaraf etish yuzasidan taklif va tavsiyalar ishlab chiqilgan. Ushbu taklif va tavsiyalar sud amaliyotini tartibga solishda, ishni sudda koʻrish uchun tayyorlash davriga oid qonunchilikni isloh qilishda muhim ahamiyatga ega.